Течи Покш Игнатовасо ютась Эрзя-мокшонь раськенть регионъютконь общественной вейсэндявксонь исполкомонть келейгавтозь промксось.

Течи Покш Игнатовасо ютась Эрзя-мокшонь раськенть регионъютконь общественной вейсэндявксонь исполкомонть келейгавтозь промксось.

Мероприятиясь ютась Культурань кудосо, косо пуромкшность Покш Игнатовань буень прявтось Татьяна Полозова, МР-со Правительствань ды Мордовиянь Прявтонть внутренней политикань управлениянь ветицянть полавтыцязо Николай Салтаев, культурань, национальной политикань ды архивень тевтнень коряс министрань васенце полавтыцясь Александр Карьгин, Эрзя-мокшонь раськенть регионъютконь общественной вейсэндявксонь прявтось Юрий Мишанин, Эрзянь раськень койтнень-кирдатнень, келень ванстомань ды кастомань-кепетемань фондонь прявтось Татьяна Ларина, Исполкомс совицят Саранскойстэ, Покш Игнатонь ды Ицял буетнестэ, шкинемань коллективть ды морыцят, национальной журналистт.

Промкссонть кортамось мольсь иень цётамотнеде, сыця шкас арсематнеде, эрзя-мокшонь раськетнень малавгалиця съездэнть ланга.

Промксонть песэ Юрий Мишанин макссь шнамонь коневт ды казнеть сеть ломантненень, конат путыть покш путовкс культуранть ды келенть кастоманзо-кепетеманзо туртов, СВОсо ушмантнэнь семияст туртов ды семиятненень, косо трить ламо эйкакшт.

Покш Игнатовань морыцятне невтсть весень туртов мельстуиця концерт